سئویرم وطه نی
کسیلسه ده بـاشیــــم نئــــی سیاغینـــدا
سانمـا کسیلهجک سسیـم آی دهلــــــــی
دینلـهسن، دئیـه جک منحـــور بـوغازیــم
سئویـــــرم وطهنــی، سئویـــرم ائلــــی
یـادا، منصـــــور کیمـــی چکسهلـر دارا
دوداغیـــم گـولهرک، گـؤزوم بـاخاجاق
سویسالار دریــــدن نسیمــی کیمـــی
اوزومـه غیــرهتیـــــم آلقـان یـاخاجاق
هارای بـوسسیمـی دینـله سیـن دوشمـان
بـاش ائیمـــک یـاراماز بـابــــــــــک نسلینـه
بیــر ســــــؤز سؤیـله ییبـدیـــر اولـو بـابـالار
کیمسه، بـو گئـــــرچکــــدی چکــر اصلینه
اود کـؤک اوسته بیتـر بـو، یـالان دئـییل
هئچ زامان اوجاغدان کؤز اسگیک اولماز
بـاخـارسان، یـای دادا اولـو داغــــلارین
بـاشینــدا قاراولار، بـوز اسگیـک اولمـاز
سهنـــــــدم آغ آپبـاغ آغسادا بـاشیـــــــم
وولقانـلار بـاغــــــریـم دا یـاتیبـدی منیـــم
کیمسه، گـومــــدورانمـاز تـورپـاقلا منــی
بـاخسان بـاشیم عـرشه چاتیبـدی منیــم
کؤک آتیب دوغـــودان ـ بـاتییـا بـوگون
گـونش تـک پـارلایـان ائللــر منیم دی
دونیـانیـن بـوستـون بـؤلگهلـرینــــده
تـورکلویـون جارلایـان ائللـر منیم دی
بـاخ، بو حقیقتــی دانمـاق، گـونشـی،
گون اورتـا چاغینـدا دانماـق دئمکدیـر
بلدچــی گـؤتـورمـک گـوروشن کنـده
اؤزونـو گؤزلو کور سانماق دئمکــدیـر
بـو، سؤزو من دئمم، فردوسی دئییر:
" نبشتن به خسـرو بیـامـوختنــــد "
دئمهلــی " خسرو"وا یازی اؤیرهدیب
" دلش را زدانش بـر افـــــروختنــد "
بـو نئجه امکـــدی، دوزونــــــــو یئییب،
دوزدانی سیندیریب، چؤله آتیــــرسان
بیلمیـرم دوغـروسو، بیلمیــرم سؤلـه
نه یینه آی یـازیق فخیـر ساتیرسان ؟
آغاج گتیـردیجه بار، سؤیـله میشلـر
بـاشینی آشاغا سالار عـزیـزیـــــم!
اؤزونـو بـهینن بیـــــزیـــــم دونیـادا
اینان ـ اینـان کی، تـک قالارعزیزیم
بـوتون انسانلاری بیـر ار، آرواد دان
یارالدیب ازهل گــــون اولو یـارادان
آتـامیـــز آدام دیــر، آنـامیــــز حـوا
گل، بـو اؤگئیلیـی قالـدیـر آرادان
نه گؤزهل سؤیله میش گؤراولو سهنـــــد
"دئمیـــرم ائللــریم ائللـــــــردن بـاشـدی
منیـم مسلکیمــــــده، منیــم یـولـومـــدا
ملتلرهامیسی دوست دو، قارداشدی"
